ئاژانسی هەواڵی plus4
پێش ٢ مانگ
غەریب عەسكەر، بڕیاردەری ئەنجومەنی نوێنەرانی عێراق ڕایدەگەیەنێت: پرۆژە یاسای گەڕاندنەوەی زەوی و خانووبەرە بۆ خاوەنە ڕەسەنەكانیان كە بەپێی بڕیارەكانی (مجلس قیاده السورە) لێیان سەندرابووەوە، قابیلی دانووستان نییەو لەمافی خۆمانیش خۆش نابین.
لەڕاگەیاندراوێكدا غەریب عەسكەر ڕوونیدەكاتەوە: سبەی سێشەممە پرۆژەكە لەپەرلەمانی عێراق دەنگی لەبارەوە دەدرێت، بابەتەكەش تەنها پرسێكی یاسایی و دەستووری نییە، بەڵكو پرسێكی مرۆیی و ئایینی و نیشتمانییە كە پێویستە لەم قۆناغە مێژوویەدا، بەچاوێكی دادپەروەرییانەوە لێی بڕوانرێت.
ئەو پەرلەمانتارە كە خەڵكی ناحیەی تازەی توركمان نشینە، داوا دەكات سبەی پەرلەمانتاران لەئاستی بەرپرسیارێتیدا بن و دەنگ بەپرۆژە یاساكە بدەن و هەڵوێستی شەرەفمەندانەیان بەرامبەر توركمان هەبێت، ئەویش لەپێناو بەدەستهێنانەوەی ئەو زەوییە كشتوكاڵییانەی لەسەردەمی بەعسدا داگیركرابوون.
