plus4
پێش ٢ مانگ
به‌ره‌به‌یانی ئه‌مڕۆ دوشه‌ممه ئه‌دهه‌م بارزانی ئامۆزای مه‌سعود بارزانی له په‌یامێكدا له‌باره‌ی كۆچی دوایی داییكیه‌وه رایگەیاند : مه‌سعود بارزانی سه‌رۆكی پارتی منی ئاواره و ده‌ربه‌ده‌ركرد له‌سه‌ر سێ به‌یانی سیاسی جیاواز قبوڵ نه‌كرا، پێمنه‌كرا له‌و ماوه‌یه‌دا دایكی ئازیزم بۆ یه‌كجاریش بێت ببینم و چه‌ند ڕۆژێك پێش ئێستا كه قسه‌م له‌گه‌ڵدا كرد، وتی دڵنیام جارێكی دیكه ناتبینمه‌وه .
راشیگەیاند خوا خێری کاک بافڵ تاڵەبانی بنوسێت لە رێگه‌ی ئەوەوە پەیوەندی کرا بە ھۆشیار زێباری خاڵی مەسعود بارزانی و سیدادی برای کە رێگه بدەن ئێمە ئەم شەو تەرتیبات دەکەین ئەدھەم بارزانی بێتە ماڵی خۆی لە مەسیفی و بۆ دوایینجار لە ناو کفندا رۆمەتی دایکی ببینێت، ھەر بەیانی یان پاش یەک رۆژ پرسە دەگەڕێتەوە ئێرە، دایکێک کە ھاوسەر و دو لە کوڕەکانی بە دەستی بەعسییەکان شەھید بون، کە ئەمڕۆ ئەوان لە پایتەختی کۆردستان بە ئازادی دەگەڕێن .
لە وه‌ڵامی دەستپێشخەریەکەی بافڵ تاڵه‌بانیدا دەڵێن مانع نیە بێت، بەڵام نابێت پاسەوانەکانی کە کاک بافڵ بۆ منی داناون لە گەلیدا بن .
دره‌نگانی شه‌وی ڕابردو خەیریە عبدلرزاق، خێزانی شەهید شێخ عوسمان شێخ ئەحمەد بارزانی و دایکی شەهیدان عیماد و ئه‌دهه‌م بارزانی كۆچی دواییكرد.
