plus4
پێش 3 مانگ
فەرماندەیی گشتی هێزەكانی سوریای دیموكرات رایگەیاند، توركیا لە داگیركارییەكانی ناوەستێت و لەئێستادا پیلانی هەیە بۆ هێرشكردن و داگیركردنی كۆبانێ.
دەشڵێت، توركیا لە رێی گروپەكانیەوە تەنانەت پیلانی هەیە بۆ داگیركردنی تەواوی خاكی سوریا و لەئێستاشدا ژمارەیەكی زۆر لە سەرباز و چەكدارانی بە پاڵپشتی چەكی قورس لەنزیك كۆبانێ كۆكردوەتەوەو لە دۆخی ئامادەباشیدان بۆ هێرش و داگیركاری.
هەسەدە لەبەیاننامەكەیدا ئەوەشی خستوەتەڕوو، كۆبانێ توانی شكست بە تیرۆریستانی د۱۱عــ.ــش بهێنێت كە لەرێیەوە توانیان كەرامەتی مرۆڤایەتی بپارێزن، لەئێساشدا تا دوا هەناسە ڕووبەڕووی هەموو هێرش و داگیركارییەكان دەبنەوە.
ئەوەشی دووپاتكردوەتەوە، دڵنیان گروپەكانی سەر بە توركیا دەشكێنین، هەروەك چۆن توانیان شكست بە د۱۱عــ.ــش بهێنن لەو رێیەشەوە وانەیەكی مێژوویی لە بەرخۆدان فێری ئەردۆغان دەكەن.
داواش لە گەنجانی كورد و عەرەبی سنورەكە دەكەن بۆ بەرقەرارکردنی ئاسایش و ئۆقرەیی بچنە نێو ریزی هێزەكانیانەوە .
