plus4
پێش 10 مانگ
ئیدارەی ئۆپراسیۆنە سەربازییەكانی سوریا كە ئەبو محەمەد جۆلانی فەرماندەیەتی دەكات، كۆنتڕۆڵكردنی تەواوی شاری حمسی راگەیاند.
هەروەك وتەبێژی ئۆپراسیۆنەكە، ئازادكردنی 3هەزارو 500 بەندكراوی لەگرتووخانەی مەركەزی حمس راگەیاند و بەڵێنیدا بە ئازادكردنی تەواوی بەندكراوانی ژێر دەستی رژێمی سوریا.
بەپێی ئەو گرتە ڤیدیۆیانەی بڵاوكراونەتەوە، سوپا و ئەمنی رژێمەكەی ئەسەد، دوای چەند كاتژمێرێك لەشەڕكردن و بۆردومانی فڕۆكە جەنگییەكان، نەیانتوانی خۆیان بگرن و لەشارەكە كشانەوە.
روانگەی سوری بۆ مافەكانی مرۆڤ دەڵێت، هێزەكانی رژێم بەرەو دیمەشقی پایتەخت كشاونەتەوە و بەشێكیان بەرەو سنوری لوبنان.
