plus4
پێش 4 مانگ
دوای روداوەکانی ریفراندۆم و 16ی ئۆکتۆبەر، چیای قەرەچوغ بوە پەناگەیەکی ئارام بۆ چەکدارانی د١١عش و یەکەم هەنگاویان هێرشکردنە سەر خانوی خێزانێکی کورد بوو لەدامێنی چیای قەرەچوغ و دوای رزگاربونیان بە موعجیزە، ناچاربون ناوچەکە جێبهێڵن و دواتر خانۆکەیان سوتێندراوەو تەقێندرایەوە.
خاوەن ئەو خانوە ( غازی فەیسەڵ )بوو، عەشقی بۆ خاک و ناوچەکە وایکرد بەتەنها لەگەڵ کوڕەکانی و چەند کەسێکی گوندنشینی ناوچەکە چەک هەڵگرن و رێگەی تۆڵەکردنەوەو پاککردنەوەی چیاکە لەو چەکدارانە هەڵبژێرن.
ئەو بەتاقی تەنها و بێ پشتیوانی کەس روبەڕوی زۆر ئاڵنگاری بوەوە، تا بوە دۆستی هاوپەیمانان و توانی گورزی کوشندە لەو گروپە بوەشێنێت کە بەئێستاشەوە داواکراوی ژمارە یەکە لەلایەن ئەو گروپەوە.. ئەوەش بەشاهیدی عەبدولوەهاب ساعدی فەرماندەی پێشوی دەزگای دژەتیرۆر کە لەرابردوودا سەردانی ناوبراوی کرد لەگوندی عالیەرەش و ستایشی ئازایەتی و جوامێری ئەو پیاوە مەزنەی کرد.
ئێستا کە پرۆسەی سەرژمێرییە، لەگەڵ خێزانەکەی گەڕاوەتەوە دەشتایەکانی قەرەچوغ لەقەزای مەخمور و لەژێر خێمە دەمێننوە تاوەکو لەو پرۆسەیە بەشداربن.
ئەمە چیرۆکی رۆمانسی نێوان دوو عاشق نییە ئەمە عەشقی پیاوێکی کوردە بۆ خاکەکەی بۆ ناوچەکەی بۆ گوندەکەی، ئەم خۆشەویستییە لەهیچ خۆشەویستییەکی سەردەمدا نەماوە جگە لەناوچە جێناکۆکەکان نەبێت.
