ئاژانسی هەواڵی plus4
پێش ٢ کاتژمێر
بەمەبەستی پاراستنی سەر و ماڵ و موڵکی هاوڵاتیان، ئاساییشی ڕۆژئاوای سلێمانی لە سنوری قەزای چەمچەماڵ و قەزای بازیانــدا، هۆشداریی تـــوونـــد دەدەنە هاوڵاتیان و شۆفێران کە لەکاتژمێر (١١)ی ئەمشەوەوە بەهەموو شێوەیەک هاتوچۆی پیادە و ئۆتۆمبێل و ماتۆرسکیل و هەر جۆرێکی تری گوێزەرەوە قەدەغەیە.
بۆئەو مەبەستەش لەکاتژمێر (١٠) شەوەوە هێزەکانی ئاساییش و مەفرەزەکانیان بەناو شاردا بڵاوەدەکەن و ئیجرائاتی توونــد دەگرنەبەر و لێپرسینەوە لەو کەسانە دەکەن کە لە دەرەوەی ماڵەکانیانن.
داواشدەکەن، هاوڵاتیان لەوکاتەی دیاریکراوە تاکو کۆتاییهاتنی پڕۆسەی سەرژمێریی پابەندبن بە بڕیارەکانەوە و لە ماڵەکانیان بمێننەوە، بەپێچەوانەوە هەر کەسێک و بەهەر جۆرە بیانووییەک لە دەرەوە بێت، ئیجرائات و لێپرسینەوەی تووندی لەگەڵــــدا دەکرێت.
