plus4
پێش ٢ ساڵ
قوسەی حسێن سەرقاڵی یاری باسكە بوو لەگەڵ هاوڕێكانیدا كاتێك بارهەڵگرێكی بۆمبڕێژكراو لەنزیك یاریگاكە تەقیەوە.
كردەوە تیرۆریستیەكە رۆژی سێی ئابی 2006 لەشاری موسڵ رویدا بەهۆیەوە قوسەی هەردوو چاوی لەدەستدا.
قوسەی لەدوای روداوەكە لەگەڵ قوربانیەكاندا دادەنرێت چونكە هیچ ئومێدێك بە چاكبونەوەی نابێت بەو پێیەی تەقینەوەكە زیانی بە كەلەی سەری و هەردوو چاوی و لوتی و گۆناكانی گەیاندبوو.
ماوەی دوو ساڵ لەعێراق چارەسەردەكرێت و دواتر دەچێتە ئوردن لەسەر دەستی باشترین پزیشكەكانی بێ سنور چارەسەر دەكرێت و ساڵی 2021 دەگوازرێتەوە بۆ ئەمریكا.
قوسەی لەتەمەنی 29 ساڵیدایە تاوەكو ئێستا 48 نەشتەرگەری جوانكاری كراوە.
لەچەند رۆژی رابردوودا ناوبراو توانی بڕوانامەی ماستەر لەكۆلێژی دەرونی لەزانكۆی ئۆستنی ویلایەتی تكساس لەدەستبهێنێت و بڕیارە پاییزی داهاتوو بەرنامەی دكتۆراكەی دەستپێبكات.
