ئاژانسی هەواڵی plus4
پێش 6 ڕۆژ
بەڕێوەبەری هۆبەی تۆمارکردنی شێرپەنجە لەئەنجومەنی شێرپەنجەی عێراق ڕایگەیاند: لەسەر ئاستی پیاوان، هەولێر پلەی یەکەمی گرتووەو زۆرترین تووشبووی پیاوی بەشێرپەنجە تێدایە، بەجۆرێک لەهەر 100 هەزار پیاو، 128.4 کەسیان تووشی شێرپەنجە بوون.
دوای هەولێر، پارێزگای کەربەلا بەپلەی دووەم دێت کە لەهەر 100 هەزار کەس 125.4 کەس تووشبوون؛ نەجەف لەپلەی سێیەم دێت و لەهەر 100 هەزار کەس 120 کەس تووشبوون.
ئاماژەی بۆ ئەوەشکرد: لەنێو ژنانیشدا هەولێر لەپلەی یەکەم دێت و لەهەر 100 هەزار ژن 159.4 کەسیان تووشی شێرپەنجە بوون.
لەسەر ئاستی هەردوو ڕەگەزیشدا، زۆرترین تووشبووی شێرپەنجە بە لەبەرچاوگرتنی ژمارەی دانیشتووان لەهەولێر تۆمارکراوە، بەجۆرێک لەهەر 100 هەزار کەسدا 143.8 کەس تووشی شێرپەنجە بوون.
بەپێی ڕاگەیاندراوی هۆبەکە، زۆرترینی ئەو کەسانەی ساڵی ڕابردوو لە عێراق تووشی شێرپەنجە بوون، تەمەنیان 70-74 ساڵە.
