ئاژانسی هەواڵی plus4
پێش هەفتەیەک
ئێوارەی ئەمڕۆ لەگەڕەکی واسیتی شاری کەرکوک، کچێک کوژرا و دوو خوشکی دیکەی بریندارن.
سەرچاوەیەک لەپۆلیسی کەرکوک بە plus4ی راگەیاند: هاوڵاتییەکی تەمەن 20 ساڵ بەناوی ( ی. س. ک ) بەدەمانچە تەقە لە خوشکە تەمەن 15 ساڵانەکەی کردووەو کوشتووێتی بەناوی ( ر.س.ک ).
وتیشی، دوو خوشی دیکەی بریندارکردووە کە تەمەنیان لەنێوان ( 20 و 10 ) ساڵە و دواتریش هەڵاتووە.
لەئێستادا تەرمەکان بۆ دادپزیشکی گواستراوەتەوەو بریندارەکانیش رەوانەی نەخۆشخانە کراون بۆ وەرگرتنی چارەسەر.
ئەمەش لەکاتێکدایە ئێوارەی ئەمڕۆ لەگوندی باوای ناحیەی لەیلانی رۆژهەڶاتی کەرکوک، بەهۆی کێشەی زەوییەوە هاوڶاتییەک کوژرا و برایەکیشی برینداربوە و تۆمەتبارەکەش کە خەڵکی قەزای چەمچەماڵە بەرەو شوێنێکی نادیار هەڵاتووە.
