ئاژانسی هەواڵی plus4
پێش 5 مانگ
فەرماندەیی ئۆپراسیۆنە هاوبەشەکانی عێراق راگەیەندراوێکی بڵاوکردەوەو دەڵێت: بەبڕیاری سەرۆک وەزیران و فەرماندەی گشتی هێزە چەکدارەکانی عێراق، سەنتەری نشتیمانی بۆ بەڕێوەبەردنی قەیران و کارەساتەکان لەوەزارەتی ناوخۆ دەستیکرد بەکرتنەبەری رێوشوێنی خێرا بەمەبەستی بەهاناوەچونی زیان لێکەوتووانی لافاوو ئەو بارانەی پارێزگاکانی باکورو رۆژئاوای عێراقی کرتووەتەوە، هەموو هێزە سەربازییەکان و مەدەنییەکان و توانای ئەندازیاری بەهەماهەنگی یەکتر هاوکاری پێویست و خێرا پێشکەش بە هاوڵاتیان دەکەن.
هەر لەو چوارچێوەیەشدا فەرماندەیی ئۆپراسیۆنە هاوبەشەکان چەند رێوشوێنێکی گرتووەتەبەر بریتین لە:
1/ بارەگای فەرماندەیی ئۆپراسیۆنەکان و فەرماندەیی پۆلیسی پارێزگاکان هەماهەنگی لەگەڵ پارێزگارەکان و بەڕێوەبەری شارەوانییەکان و پردو رێگاوبانەکان ئەنجام دەدەن.
2/ هەموو هەوڵێکی خزمەتگوزاری بۆ بەهاناوەچونی گوندو دامەزراوە گشتی و تایبەتەکان دەخەنەگڕ.
3/ پلانی خێرای تایبەت بۆ چۆڵکردن و رزگارکردن و کردنەوەی رێگەکان و دیاریکردنی رێگەی جێگرەوە دادەنێن.
4/ لەگەڵ وەزارەتەکانی نەوت و کارەباو نیشتەجێبون و سەرچاوە ئاوییەکان و بەرگری شارستانی و رێگەوبانەکان هەماهەنگی دەکەن بۆ پاراستنی ژێرخان و کەمکردنەوەی زیانی لافاوەکان.
5/ وەک هەنگاوی یەکەم لەئەگەری رودانی لافاو لەرێگەی کەرەستەو ئالیاتی بەردەست پرۆسەی گواستنەوەی خێرا بۆ خێزانە زیان لێکەوتەکان ئەنجام دەدرێت.
6/ هەموو کەرەستەکانی ئەندازیاری ئامادە دەکرێت و لەو ناوچانە نزیک دەکرێنەوە کە بارانی بەلیزمەی لێ دەبارێت و لافاو دروستبوە.
7/ چاودێری ئەو خاڵ و باڵەخانەو خانوانە دەکرێت کە کەوتوونەتە سەر هێڵی لافاو و رێوشوێنی پێویست دەگیرێتەبەر.
8/ شوێنی تەقەمەنی و چەک و سەربازەکان لەلافاو دەپارێزرێت.
9/ هاتووچۆ ئۆتۆمبێلی سەربازی و مەدەنی لەدۆڵ و ناوچەکان سنوردار دەکرێت کە ئەگەری لافاوی هەیە.
10/ داوا لەفەرماندەو بەڕێوەبەرو فەرمانبەرانی فەرمانگە خزمەتگوزارییەکان دەکەین رێوشوێنی پێویست بگرنەبەرو هەماهەنگی لەگەڵ پارێزگاکان وەک یەک تیم بکەن.
فەرماندەیی ئۆپراسیۆنە هاوبەشەکان
شانوی راگەیاندنی ئەمنی
3ی تشرینی یەکەمی2024
