plus4
پێش ٢ هەفتە
تەرمی چەکدارە کوژراوەکانی د١١عش کە لەتونیلێکی حەمرین بۆردوومان کران، گەیەندرانە فرۆکەخانە سەربازییەکەی رەشاد.
بەپێی زانیارییەکان تەرمی 7 چەکدارەو بۆ پشکنینی DNA رەوانەی بەغدا دەکرێن.
بۆردوومانەکە 3 رۆژ پێش ئێستا ئەنجامدرا بەڵام بەهۆی سەختی ناوچەکەو ئەو شەڕو روبەڕوبونەوانەی تووشی هێزەکانی دژەتیرۆر بوو، پرۆسەی گەیشت بەشوێنەکەو هەڵگرتنەوەی تەرمەکان بۆ نیوەڕۆی ئەمڕۆ دواخرا.
بەپێی راگەیەندراوێکی فەرماندەیی ئۆپراسیۆنە هاوبەشەکانی عێراق، بۆردوومانەکە لەسەر زانیاری وردی هەواڵگری لەلایەم فرۆکەی F16ی عێراقییەوە ئەمجامدراوە، لەپرۆسەی هەڵگرتنەوەی تەرمی چەکدارەکانیشدا هێزێکی تایبەت و هەواڵگری کەرکوک و تیمی ئەندازەی فیرقەی 11 بەشداربونە.
بەپێی زانیارییەکان، سەرەتا هێزێکی دژەتیرۆر هەوڵیانداوە بگەنە ناوچەکە بەڵام تووشی شەڕ بونەو بریندارێکیان هەیە.
