ئاژانسی هەواڵی plus4
پێش ٢ هەفتە
فەرماندەیی ئۆپەراسیۆنەکانی کەرکوک لەڕاگەیاندراوێکدا ئاشکرایکرد: لەزنجیرە چیای حەمرین، چوار هێرشی ئاسمانییان کردە سەر چەکدارانی د11عـ.ـش و گورزێکی گەورەیان لێدان.
هێرشەکە لەلایەن هێزێکی هاوبەشی تایبەتی سوپای عێراق و هێزێکی هەواڵگریی کەرکوک، بەپاڵپشتیی ئاسمانیی هێزەکانی هاوپەیمانان، لەڕێگەی فڕۆکەی F_16 ەوە کرایە سەر مۆڵگەو حەشارگەکانی چەکدارانی د11عـ.ـش، بەئامانجی لەناوبردنی یەکجارەکیی چەکدارەکان لەو ناوچەیە.
لەئۆپەراسیۆنەکەدا، 8 چەکداری د11عـ.ـش کوژران کە لەنێویاندا سەرکردەی دیاری تاقمەکەی تێدایە، ئەمە وێڕای دەست بەسەردا گرتنی ژمارەیەکی زۆری چەک و تەقەمەنی و کەرەستەی تەقەمەنی و ئامێری لۆجیستی و پەیوەندی.
