ئاژانسی هەواڵی plus4
پێش مانگێک
دەستەی دەستپاکی عێراق ئاشکرایکردووە، لەقیرتاوکردنی 7 کیلۆمەتر رێگەی کەرکوک- تکریت و شەقامێکی پشت باڵەخانەی پارێزگای کەرکوک بەبەهای دوو ملیار دینار گەندەڵی کراوە.
بەپێی راپۆرتی نوسینگەی لێکۆڵینەوەی دەستپاکی، لە7 کیلۆموتری رێگەی تکریت کە پارێزگای کەرکوک بەگرێبەستێکی لەگەڵ کۆمپانیای جێبەجێکار کردووە، سلفەی پێشەکی بەرێژەی 90% دراوە کە 912 ملیۆن دینارە و بڕگەی قیرتاوکردنەکە کراوە نە کۆنکریت و پشکنینی تاقیگەیی ساختەش بۆ پڕۆژەکە کراوە.
لەلایەکی دیکەوە ئیدارەی پێشووی کەرکوک لەگەڵ کۆمپانیایەکی بەڵێندەرایەتی رێککەوتووە لەشەقامی پشت باڵەخانەی پارێزگا چەند رێرەوێک بکاتەوە کە تێچۆکەی ملیارێک و 718 ملیۆن دینار بوە، دوای وردبینی دەرکەوتووە زیادەڕۆییەکانی سەر شەقامەکە لانەبراوە کە بۆ قۆناغی داهاتوو بوەتە بەربەست و وایکردووە پڕۆژەکە سودەکانی لەدەست بدات.
