plus4
پێش ٢ مانگ
ئەحمەد رەمزی كۆپرلوو ئەندامی فراكسیۆنی بەرەی توركمانی لەئەنجومەنی پارێزگای كەركوك لەژورەكەی خۆی لەنێو باڵەخانەی ئەنجومەن، پێشوازی لە محەمەد حافز سەرۆكی ئەنجومەنی پارێزگا و رەعد ساڵح كرد.
ئەحمەد رەمزی لەپەیجەكەی خۆی لەفەیسبوك بڵاویكردووەتەوە، لەگەڵ سەرۆكی ئەنجومەنی پارێزگا كاری دەستەجەمعی و هەماهەنگی نێوان لایەنە حكومییەكان بەگرنگ زانیوە لەپێناو پێشكەشكردنی باشترین خزمەتگوزاری بۆ هاوڵاتیان.
كۆبونەوەكەی ئەحمەد رەمزی و محەمەد حافز سەرۆكی ئەنجومەنی پارێزگا، لەكاتێكدا كە جبهەی توركمانی سكاڵای دژی پێكهێنانی ئیدارەی كەركوك لەدادگای باڵای فیدراڵی و دادگای ئیداری تۆماركردووەو داوای هەڵوەشاندنەوەی دەكات.
رۆژی 8ی ئەم مانگە دیدارەكە ئەنجامدراوە بەڵام لەپەیجەكەی محەمەد حافز سەرۆكی ئەنجومەنی پارێزگای كەركوك بڵاونەكراوەتەوە.
