plus4
پێش ٢ مانگ
وەزارەتی ناوخۆی عێراق ئاشکرایکرد: زیاتر لە 40 ملیۆن کارتی نیشتمانی دراوەتەوە بەهاووڵاتیان و مانگی داهاتووش چەند ناوەندێکی تایبەت بەکارتی نیشتمانی لەوڵاتی دەرەوە دەکرێنەوە.
لەوبارەیەوە میقداد میری؛ وتەبێژی وەزارەتی ناوخۆی عێراق ڕایگەیاند: توانیومانە تاڕۆژی پێنجی ئەم مانگە، زیاتر لە 40 ملیۆن و 152 هەزار کارتی نیشتمانی بدەینەوە بەهاووڵاتیان.
وتیشی: تەنها لەماوەی ساڵ و نێوێکی تەمەنی حکومەتی ئێستای عێراقدا، زیاتر لە 15 ملیۆن کارتی نیشتمانی ڕادەستی هاووڵاتیان کراون.
نەشئەت خەفاجی؛ بەڕێوەبەری گشتیی باری شارستانی و نشینگەو پاسپۆڕتی عێراق وتی: لەمانگی داهاتوودا وێستگەی کارتی نیشتمانی لەباڵیۆزخانەکانی عێراق لەوڵاتانی جیهان دادەنرێت بۆ کارئاسانیکردن بۆ هاووڵاتیان و بەشێوەیەکی گشتی کار بە رەگەزنامە ناکرێت.
