plus4
پێش ٢ مانگ
سەرۆکی یەکێتی: دەبێت روحی سەرکەوتنی یەکێتی لەکەرکوک و موسڵ سەرتاسەری هەرێم بگرێتەوە.
بەسەرپەرشتی بافڵ جەلال تاڵەبانی سەرۆکی یەکێتی ئەنجوومەنی سەرکردایەتی یەکێتیی نیشتمانیی کوردستان لە شاری هەولێر کۆبووەوە و تاوتوێی دواین گۆڕانکارییە سیاسییەکانی لەسەر ئاستی هەرێم و عیراق و ناوچەکە کرد.
لە کۆبونەوەکەدا سەرۆکی یەکێتیی روونیکردەوە، سەرکەوتنی یەکێتی و گەلی کوردستان، بەدەستهێنانی پۆستی پارێزگاری پێکەوەژیان و خزمەتگوزاری ئاوەدانی کەرکوک و بەشداری و شەراکەتمان لە ئیدارەی موسڵ سەرکەوتنێکی گەورەیە کە دەبێ کارێک بکەین ئەم رۆحی سەرکەوتنە سەرتاسەری کوردستان و عیراق بگرێتەوە.
لە کۆبوونەوەکەدا جەخت لەسەر گوتاری سەنگین و ڕاشکاویی یەکێتی سەبارەت بە راستکردنەوەی رێڕەوی حکومڕانی و گۆڕینی هاوسەنگی هێز لە کوردستان کرا.
