plus4
پێش ٢ مانگ
قائیمقامی ناوەندیی کەرکوک بەشێوەیەکی زارەکی نرخی ئەمپێری مووەلیدە ئەهلییەکانی کەرکوکی ڕاگەیاند.
لەلێدوانێکی ڕۆژنامەوانیدا فەلاح یایچەلی قائیمقامی ناوەندی کەرکوک نرخی ئەمپێری مووەلیدە ئەهلییەکانی شارەکەی ڕاگەیاند کە کەمترینی 6 هەزار دینار دەبێت.
یایچەلی ئاشکرایکرد کە نرخی هەر ئەمپێرێکی مووەلیدە ئەهلییەکان بۆ مانگی هەشت لەنێوان 6 هەزار دینار بۆ 8 هەزارو 500 دینار دەبێت، ئەمەش لەکاتێکدایە هێشتا نرخی ئەمپێری مووەلیدە ئەهلییەکان بەشێوەیەکی فەرمی ڕانەگەیەندراوە.
ئەمەش لەکاتێکدایە ڕێبوار تەها پارێزگاری کەرکوک هەوڵەکانی خۆی بۆ دۆزینەوەی میکانیزمێکی گونجاو بۆ کەمکردنەوەی نرخی ئەمپێری مووەلیدە ئەهلییەکان خستووەتە گەڕ تا کەمترین نرخ لەسەر هاووڵاتیان ئەژماربکرێت، بەجۆرێک لەگەڵ دۆخی ئێستای دانیشتووانی کەرکوکدا بگونجێت.
