plus4
پێش ٢ مانگ
لەسەر ڕێنمایی ڕێبوار تەها پارێزگاری کەرکوک، کارەکانی خاوێنکردنەوەی ڕووباری خاسە دەستیانپێکرد.
دوای گلەیی و گازاندەی زۆری هاووڵاتیانی نیشتەجێی نزیک ڕووباری خاسە، بەبوونی ڕێژەیەکی زۆری زبڵ و خۆڵ و خاشاک و پاشماوەی ناتەندروست لەڕووباری خاسە کە وێڕای پێدانی سیمایەکی ناشرین بەڕووباری خاسەو پێدانی بۆنێکی ناخۆش بەشوێنەکانی نزیک بەڕووبارەکە، لەهەمان کاتدا هۆکارێک بۆ نەخۆشکەوتنی دانیشتووانی ئەو ناوچانە، کارەکانی خاوێنکردنەوەی ڕووباری خاسەو ڕۆخی ڕووبارەکە دەستیانپێکرد.
لەئێستاشدا کارەکان بۆ پاککردنەوەی ڕووباری خاسە لەنزیک بازاڕی باڵندە فرۆشەکان بەدەوامن و توانراوە ڕێژەیەکی زۆری زبڵ و خۆڵ و خاشاک و پاشماوەی لێ فڕێبدرێت و تاڕادەیەک ئەو سیما ناجۆرەی پێشتر بەناوچەکەی بەخشیبوو، بەڕوویەکی ترەوە خۆی بنوێنێت.
