plus4
پێش ٢ مانگ
دوای ئەوەی ئاژانسی هەواڵی plus4 کێشەی بنکەی تەندروستی داقوقی خستەڕوو و بەڕێوەبەری بنکەکە داوایکرد فریایان بکەون چونکە بەهۆی بێ کارەباییەوە هەموو ڤاکسینەکانیان بەسەردەچێت.
دەستبەجێ رێبوار تەها پارێزگاری کەرکوک هاتە سەر خەت و بەڕێوەبەرایەتی تەندروستیی راسپارد خێرا کێشەی بنکەکە چارەسەر بکەن و بڕیاریشە سبەی موەلیدەکی نوێ رەوانەی بنکەکە بکرێت.
ماوەی دوو مانگە موەلیدەی بنکەی تەندروستی داقوق لەکارکەوتووەو فەرمانبەرەکان لەسەر ئەرکی خۆیان لەرێگەی تاقە شەمسییەوە کارەبایان بۆ ژووری ڤاکسینەکە دابینکردبوو کە ئەمڕۆ ئەوەش پەکیکەوت.
کارمەندانی بنکەکە دەڵێن: چەندین نوسراومان بۆ تەندروستی ناردبوو بەبێ ئەوەی وەڵام بدرێینەوە، سوپاسی plus4 دەکەین کە توانی دەنگمان بگەیەنێتە پارێزگار.
