plus4
پێش 3 مانگ
مەسعود بارزانی و خەمیس خەنجەر کاندیدەکانی خۆیان بۆ پۆستی پارێزگاری کەرکوک دیاریکرد
پارتی دیموکراتی کوردستان بەفەرمی ( دڵشاد پیرۆت )ی بۆ پۆستی پارێزگاری کەرکوک دەستنیشانکرد، کە پێشتر پڵەس4 وەک یەکەم میدیا بلاویکردبوەوە کە دڵشاد پیرۆت کاندیدی پارتییە بۆ وەرگرتنی ئەو پۆستە.
هاوکات خەمیس خەنجەر بەفەرمی بەربژێری کوتلەی عەرەبی بۆ وەرگرتنی پۆستی پارێزگاری کەرکوک راگەیاند کە ( راکان جبوری )یـــە.
ئەگەرچی پارتیی لەگەڵ خەمیس خەنجەر و جبهەی تورکمانی لەسەر پێکهێنانی ئیدارەی کەرکوک رێککەوتبون بەڵام تارۆژی هەینی رابردوویش مەسعود بارزانی ڤیتۆی لەسەر راکان جبوری هەبوو بەهۆی ئەوەی نزیکایەتی لەگەڵ چەند بەرپرسێکی یەکێتیی هەبوە.
بەوتەی سەرچاوەیەک، رۆژی هەینی رابردوو دوور لەچاوی کامێرا و میدیاکان، راکان جبوری لەهەولێر لەگەڵ مەسعود بارزانی کۆبوەتەوەو ئامادەیی تەواوی بۆ جێبەجێکردنی سیاسەتە هاوبەشەکانی پارتی و هاوپەیمانی سیادە دەربڕیوە و کۆمەڵێک بەڵێنی دیکەی داوە کە لەکاتی خۆیدا ئاشکرا دەکرێن.
بەپێی رێککەوتنە هاوبەشەکەیان، پارتی بۆ ماوەی 5 مانگ پۆستی پارێزگاری کەرکوک وەردەگرێت و بۆ ئەو مەبەستەش دڵشاد پیرۆتی کاندید کردووە، دوای ئەوەی لەسەر داوای هەواڵگری وەڵاتێکی ئیقلیمی ( عەبدولرەحمان مستەفا )ی لەکاندیدی دوورخستووەتەوە.
