plus4
پێش 4 مانگ
ئێوارەی ئەمڕۆ سەرکردەکانی چوارچێوەی هەماهەنگی بۆ تاوتوێکردنی پرسی کەرکوک کۆدەبنەوە.
بڕیارە لەکۆبوونەوەکەدا شەش پرس تاوتوێبکرێت، دیارترینیشیان پرسی کەرکوک و دانانی پارێزگارو دەستبەکاربوونی ئەنجومەنی پارێزگای کەرکوکە کە لەئێستادا کێبڕکێ و کێشمەکێشێکی زۆر لەنێوان لایەنەکاندا هەیە سەبارەت بەپێکهێنانی ئیدارەی خۆجێیی پارێزگاکە.
بۆ ئەو مەبەستەش، لەئێستادا سەرکردەکانی یەکێتیی نیشتمانیی کوردستان و لایەنە عەرەبییەکانی کەرکوک لەشاری بەغدان.
لەوبارەیەوە عائید هیلالی؛ سەرکردە لەچوارچێوەی هەماهەنگی ئاشکرایکرد: هاوشانی دۆسیەی پێکهێنانی ئیدارەی نوێی کەرکوک، چەندین پرسی تری هەنووکەیی تاوتوێدەکرێن، ئەوانیش لەشکرکێشیی تورکیا بۆ نێو خاکی هەرێم و پێکهێنانی ئیدارەی خۆجێیی دیالەو چەند بابەتێکی تری گرنگ.
