plus4
پێش 4 مانگ
لە نەخۆشخانەی ئازادی فێرکاری دوای نەشتەرگەرییەکی شەش سەعاتی ژیانی ژنێک لە مردن رزگارکرا کە برینی 32 چەقۆ بەچەستەیەوەبوو.
بەڕێوەبەری نەخۆشخانەی ئازادی فێرکاری رایگەیاندووە، ژنێک گەیەندراوەتە بەشی فریاکەوتنی نەخۆشخانەکە کە توشی نەزیفی خوێن ببوو و 32 چەقۆ بەر سنگ و ورگ و ملی کەوتبوو.
ئاماژەی بۆ ئەوەشکردووە سەرەتا لە بەشی فریاکەوتن سێ بوتڵ خوێنی لێدراوەو پاشان رێوشوێنی پێویست بۆ ئەنجامدانی نەشتەرگەریی گیراوەتەبەر.
دەشڵێت، بە نەشتەرگەرییەکی دەگمەن و شەش سەعاتی ژیانی ئەو ژنە لەمردن رزگارکراوەو بۆ ماوەی دوو هەفتە لەژێر چاودێری وردی پزیشکیدا مایەوە، ئێستاش دوای جێگیربونی دۆخی تەندروسی نەخۆشخانەی جێهێشتووە.
