plus4
پێش 4 مانگ
عەبدولوەهاب عیسام؛ بەڕێوبەری بەشی پزیشکی دادوەری لەوەزارەتی تەندروستیی عێراق ئاشکرایکرد: تەنها لەشەش مانگی سەرەتای ئەمساڵدا، نزیکەی 400 هاووڵاتیی عێراقی بەهۆی ڕووداوەکانی هاتوچۆوە گیانیان لەدەستداوەو زۆربەی قوربانیانیش لەڕەگەزی نێرن.
ناوبراو وتیشی: بەپێی ئاماری پزیشکی دادوەری، تەنها لەشەش مانگی سەرەتای ئەمساڵدا، 384 حاڵەتی گیانلەدەستدان بەهۆی ڕووداوەکانی هاتووچۆوە تۆمارکراون.
ڕووداوەکانی هاتووچۆ لەهەڵکشاندان، لەکاتێکدا لەساڵی 2023 دا، 11 هەزارو 552 ڕووداوی هاتووچۆ ڕوویانداوەو لەساڵی 2022 شدا، 11 هەزارو 523 ڕووداوی هاتووچۆ بوون.
