plus4
پێش 6 مانگ
پاش ئەوەی بڕیاربوو لەدانیشتنی ئەمڕۆیدا، ئەنجومەنی نوێنەرانی عێراق دەنگ بە سێ پرۆژە یاسای تایبەت بە کاری لەشفرۆشی بدات، ئێوارەی ئەمڕۆ ئەنجومەنەکە ئەو پرۆژە یاسایانەی بەهەندێک دەستکارییەوە پەسه‌ندکرد.
هەرچەندە لەسەرەتادا بەشێکی پرۆژە یاساکە سزای زۆر تووندی دژ بەلادەران و ئەو سەرپێچیکارانە ئامادەکردبوو کە ئەم پرۆژە یاسایە دەیانگرێتەوە، بەجۆرێک دەگەیشتە سزای لەسێدارەدان، ئەویش ئەو کەسانەی پەیوەندیی لادانی سێکسی یاخوود کاری لەشفرۆشی دەکەن، سزاکەیان لەسێدارەدانەوە گۆڕا بۆ (١٥) ساڵ زیندانیکردن.
هەریەک لەکاری هاوڕەگەزخوازی و هاوشانی ئەویش گۆڕینەوەی هاوسەران کە پێشتر سزاکەیان لەسێدارەدان بوو، ئەو سزایە کەمکرایەوە، بەڵام سزای تووندیان لەبەرامبەردا هاوتا کرا، بەجۆرێک هەرکەسێکی هاوڕەگەزخوازو کەسێکی تریش کە هاوسەرەکەی لەگەڵ هاوسەری یەکێکی تردا بگۆڕێتەوە، بە زیندانیکردنی ١٠ تا ١٥ ساڵ سزا دەدرێن.
