plus4
پێش 6 مانگ
خالید شوانی، وەزیری دادی عێراق ڕایگەیاند: بڕیارەکەی دادگای فیدڕاڵی پرۆژە یاسای بوودجەی تێپەڕاندو وایکرد مووچەی فەرمانبەرانی هەرێم دابەشبکرێت و کێشەکانی نێوان هەردوو حکومەتی چارەسەرکرد.
خالید شوانی دەڵێت: بڕیارەکانی دادگای فیدراڵی دەستوورین و دادگاکە پشت بەدەستوور دەبەستێت و ناگەڕێتەوە تابزانێت کام لایەنی سیاسی بڕیارەکەی پێ پەسەند دەبێت یاخوود نا.
وەزیری دادی عێراق وتیشی: تانەدان لەبڕیارەکانی دادگای فیدراڵی زۆر ئاساییەو لەماوەی ڕابردوودا زۆربەی بڕیارەکانی دادگای فیدراڵی لەلایەن هێزە سیاسییەکانی عێراقەوە تانەی لێدراوەو ئەوەش شتێکی ئاساییە.
جەختیشیکردەوە کە بڕیاری دادگای فیدراڵی تەواو دەستوورین و لەسەر ئەو بڕیارانە کۆمیسیۆنی هەڵبژاردنەکانی عێراق دەستیان بەئامادەکارییەکان بۆ هەڵبژاردنی پەرلەمانی کوردستان کردووە.
