plus4
پێش 7 مانگ
دوای ئەوەی نیڤین کۆچا کچە پێشکەشکاری بەشی تورکمانی کەناڵی عێراقییە لەگرتەیەکی ڤیدیۆییدا ئاماژەی بۆ ئەوەکرد کە دەرهێنانەوەی پاسەپۆرتە ونبوەکەی لەکەرکوک زیاتر لەهەزار دۆلاری تێچووە!! لەڤیدیۆییەکی تردا رونکردنەوە دەدات و دەڵێت: خەرچکردنی هەزار دۆلارەکە پەیوەندی بە پاسەپۆرتەوە نییە...رادیۆ بوو!!
نیڤین کۆچا، پێشکەشکاری بەشی تورکمانی کەناڵی عێراقییەی نیمچە فەرمییە، هاوکات بلوگەرە و خاوەن سەنتەرێکی گەورەی جوانکارییە لەکەرکوک.
لەنوێترین دەرکەوتنیدا دەڵێت: من نەموتووە بە زیاتر لە هەزار دۆلار پاسەپۆرتم دەرهێناوە بەڵکو ئاماژەم بۆ ئەوەکردووە کە بەهۆی ئەوەی پاسەپۆرتی پێشوم ونکردووەو کێشە لە پێشینەو کارتی نیشتەجێبونم هەبوە، ماوەی شەش مانگ هاتووچۆی پاسەپۆرتی کەرکوکم کردووەو زیاتر لە هەزار دۆلارم خەرچکردووە.
بەپێی زانیارییەکانی plus4 بەڕێوەبەرایەتی پاسەپۆرتی کەرکوک، نیگەرانن لەیەکەم ڤیدیۆیی نیڤین کۆچا و دراسەتی رێوشوێنی یاساییان کردووە، هەر بۆیە کۆچا پاشگەزبوەتەوە و رونکردنەوەی بڵاوکردووەتەوە.
لەماوەی رابردوودا ژمارەیەکی زۆر لەکچە مۆدیل و بلوگەرو میدیاکار بەهەڵوێست و پۆست و ڤیدیۆکانیان رێوشوێنی یاسایی لەدژیان گیراوەتەبەرو بەشێکیان زیندانی کراون.
