plus4
پێش 8 مانگ
ئەو کەسەی کوڕەکەی بەڕێوەبەری پۆلیسی سلێمانی بێگ-ی لەناوچەی 55ی کەرکوک کوشت، لەشاری بەغدا دەستگیرکرا.
لیوا کاوە غەریب فەرماندەی پۆلیسی کەرکوک بە ئاژانسی هەواڵی plus4ی راگەیاند: تۆمەتباری تاوانەکە لەبەغدا دەستگیرکرا و دانی بەتاوانەکەیداناوە کە بەهۆی ناکۆکی کۆنەوە ئەنجامیداوە.
هاوکات بەڕێوەبەرایەتی پۆلیسی کەرکوک لەراگەیاندراوێکدا بڵاویکردووەتەوە،
نەهێشتنی تاوانەکانی پۆلیسی کەرکوک دوای هەوڵێکی زۆر و بەدواداچونێکی ورد توانیان ناسنامەی تۆمەتبارەکە بدۆزنەوە، تیمی هونەری هەواڵگری و خلیەی سقوڕ بەهاوکاری هەواڵگری خورماتوو و بەشی تەکنیک و زانیارییەکانی کەرکوک گەڕان و پشکنینیان دەستپێکرد و دەستیانکرد بەدانانی بۆسە لەچەند شوێنێک تاوەکو لەنێو شاری بەغدا دەستگیریان کرد.
هەرچەندە پۆلیس ئاماژەی پێنەکردووە بەڵام بەپێی زانیارییەکانی Plus4 بەڕێوەبەرایەتی ئۆپراسیۆنەکانی ئاسایشی سلێمانی رۆڵی گەورەی لەهاوکاریکردنی هێزە ئەمنییەکانی عێراقدا هەبوە بۆ دەستگیرکردنی تۆمەتبارەکە.
رۆژی 12ی ئەم مانگە، لەگەڕەکی زەوڕای ناوچەی 55 ی شاری کەرکوک، موعتەز عەبدولوەهاب عەلاوی ) تەمەنی 25 ساڵ ، لەبەردەم ماڵەکەی خۆیدا تەقەی لێکرا و کوژرا.
ناوبراو جگە لەوەی خۆی کارمەندی پۆلیسی پارێزگەی سەڵاحەدین بوو، هاوکات کوڕی بەڕێوەبەری پۆلیسی سلێمان بێگ-یش بوو.
پۆلیسی کەرکوک هەندێ پەیجی نزیک لەد١١عش بەدرۆدەخاتەوە کە تاوانەکەیان لەئەستۆ گرتووە و دەڵێت:" دەیانویست رای گشتی بەلاڕێدا بەرن."
