ئاژانسی هەواڵی plus4
پێش 8 مانگ
بەپێی ڕاگەیاندراوێکى وەزارەتى بازرگانیى عێراق، هەفتەى داهاتوو بەشە خۆراکى تایبەت بەمانگى ڕەمەزان لەڕێگەى بریکارەکانى خۆراکەوە بەسەر هاووڵاتیان دابەشدەکرێت.
لەڕاگەیاندراوەکەدا ئاماژە بەپێکهاتەى بەشە خۆراکییەکە کراوە ئەوانیش هەریەک (شەعرییە، مەعکەرۆنى، ئاردى سفر و نیشاستە)ن.
وەزارەتى بازرگانیى عێراق ئاشکراشیکرد: وێڕای پێدانی ئەو بەشە خۆراکە تایبەتە، بەشە خۆراکى مانگانەش بەسەر هاووڵاتیاندا دابەشدەکرێت کە پێکهاتووە لە شەش ماددەى سەرەکیی خۆراکى و بەوەش کۆى گشتیى ئەو ماددە خۆراکییانەى بەسەر هاووڵاتیاندا بۆ مانگى رەمەزان دابەشدەکرێت دەبنە 10 ماددەی خۆراکی.
