ئاژانسی هەواڵی plus4
پێش 8 مانگ
دوای ڕووداوەکانی شانزەی ئۆکتۆبەر،پیاوێک لەبەردەم یەکێک لەکامێرای میدیاکاندا، بەتاسەوە دەڵێت: (مەعقول چییە .. بەخوا هەموو کەرکوک گەڕام قوومێک مەشروبم دەستنەکەوت)، وشەی (مەعقول چییە) سەردەمانێکی زۆر لەتۆڕە کۆمەڵایەتییەکان و تائێستاش یەکێک لەو وشانە بوو کە بووبوونە ترێند لەسەر زاری خەڵکیش بووە بنێشتە خۆشەی سەر زاران و وەک ناڕەزایی لەبەرامبەر هەر نادادی و ناڕێکییەک بەکاردەهات.
ئەم ئێوارەیە (ئەسعەد عومەر)ی خاوەنی ئەو دەستەواژەیە بۆ گیانی لەدەستدا.
سەرچاوەیەک بە plus4 ی ڕاگەیاند: ئێوارەی ئەمڕۆ (ئەسعەد عومەر) تەرمەکەی ڕەوانەی داد پزیشکی کراوە لەنەخۆشخانەی فێرکاریی ئازادیی شاری کەرکوک، دوای تەواوکردنی ڕێکارەکانی لەنەخۆشخانەکە، کەمێک بەر لەئێستا لەگۆڕستانی ڕەحیماوا بەخاک سپێردرا.
