plus4
پێش 9 مانگ
عامر شوانی وتەبێژی پۆلیسی کەرکوک بە ئاژانسی plus4 ی راگەیاند، بەدواداچونیان بۆ شەڕەکەی ئەمڕۆ کردووەو ئەو کەسەی کە دەمانچەکەی راکێشاوە پلەی مفەوەزە لە پۆلیسی هاتوچۆی کەرکوک، لەوکاتەدا لەگەڵ پۆڵیسێکی دیکە ئەرکیان گواستنەوەی چەند ماتۆڕ سکیلێک بووە کە دەستی بەسەردا گیرابوو بۆ بەڕێوەبەرایەتی پۆلیسی هاتوچۆی کەرکوک ، بەڵام لەلایەن چەند کەسێکەوە رێگریان لێکراوە بەبیانووی ئەوەی ئەو ماتۆڕ سکیلانە هی ئەوانە.
ئاماژەی بۆ ئەوەشکرد ،، مفەوەزەکەی پۆلیسی هاتوچۆ پێیانی راگەیاندووە کە ئەو ماتۆڕ سکیلانە زمەیە لەسەریان بەپسولە و وەسڵ دەستی بەسەردا گیراوە ، بەڵام ئەو کەسانە هەوڵیان داوە ماتۆڕسکیلەکان ببەن، ئەویش بەناچاری دەمانچەی لێیان راگێشاوە، تائەو کاتەی مەفرەزەیەکی پۆلیس گەیشتوەتە شوێنەکەو ئەو کەسانەی هاتبونە سەریان هەڵهاتوونە
