PLUS4
پێش 9 مانگ
بەپێی ئەو زانیارییانەی دەستی ئاژانسی هەواڵی plus4، بەڕێوەبەری شارەوانی كەركوك رەزامەندی وەزیری شارەوانییەكانی عێراقی وەرگرتووە بۆ دابەشكردنی زەوی بەسەر هێزەكانی پێشمەرگەو ئاسایش.
بەپێی زانیارییەكان، لەسەردانەكەی بەڕێوەبەری شارەوانی كەركوك بۆ بەغدا، نوسراوێكی خستووەتە بەردەم وەزیری شارەوانییەكان، تێیدا داوایكردووە هاوشێوەی هێزە ئەمنی و سەربازییەكانی عێراق، زەوی بەسەر پێشمەرگەو ئاسایشیش دابەشبكرێت.
وەزیری ئاوەدانكردنەوەو شارەوانییەكانیش رەزامەندی لەسەر دەربڕیوەو داوایكردووە رێوشوێنەكان بۆ ئەو مەبەستە تەواوبكرێت.
لەدوای 2003وە تا 2017 هێزەكانی پێشمەرگەو ئاسایش لەپێناو سەقامگیری و پاراستنی هاوڵاتیانی كەركوك، سەدان قوربانیاندا و لەچوار ساڵی شەڕی داعشیشدا بەروحی خۆیان رێگریان لەداگیركردنی شارەكە كرد.
