plus4
پێش 9 مانگ
بەرەبەیانی ئەمڕۆ لەگەڕەکی رەحیماوای شاری کەرکوک دز دەچێتە ماڵێکەوەو دوای بردنی پارەو زێڕێکی زۆر، گڕ لەنهۆمی دووەم بەردەدەن و دەیسوتێنن.
سەرچاوەیەک لەپۆلیسی کەرکوک بەئاژانسی هەواڵی plus4ی راگەیاند: کاتژمێر 4ی بەرەبەیانی حاڵەتی دزێتیییەکە رویداوە کاتێک بەئامێری کۆسرە پەنجەرەی ماڵێک دەبڕدرێت و قاسەکەیان دەشکێنرێت و هەرچی زێڕو پارەیان هەیە دەدزرێت.
وتیشی، دزەکان پێش هەڵاتن ئاگریان لەنهۆمی دووەمی خانوەکە بەرداوەو سوتانویانە.
بەوتەی ئەو سەرچاوەیەی پۆلیس، بەپێی لێکۆڵینەوە سەرەتاییەکان و شێوازی دزێتییەکە دەردەکەوێت دزەکان کەسانێک بونە شارەزای خانوەکە بونەو زانیویانە ئەمشەو ئەو خێزانە لەماڵ نین.
