plus4
پێش 10 مانگ
ئەمڕۆ مەسعود بارزانی سەرۆکی پارتی دیموکراتی کوردستان لەگەڵ خەمیس خەنجەر سەرۆكی هاوپەیمانێتیی سیادە کۆبوەوە.
بەپێی راگەیاندراوێکی بارەگای بارزانی، ئەنجامی هەڵبژاردنی پارێزگاكان و هەماهەنگیی لایەنە براوەكان بۆ پێكهێنانی حكومەتە خۆجێییەكانی پارێزگاكان باسکراوە.
حزبەکەی خەمیس خەنجەر لەپارێزگای کەرکوک کە راکان جبوری نوێنەرایەتی دەکات، لەگەڵ هاوپەیمانی قیادە یەکیانگرتووەو بە 6 کورسییەوە داوای پۆستی پارێزگار دەکەن.
بۆ بەدەستهێنانی ئەو پۆستە پێویستیان بەهاوپەیمانێتی لەگەڵ تورکمان و لایەنێکی کوردیدا هەیە.
لەراگەیاندراوە فەرمییەکەدا ئاماژە بەپرسی کەرکوک نەکراوە، بەڵام بەپێی زانیارییەکان خەمیس خەنجەر داوای پاڵپشتی پارتی کردووە تاوەکو بتوانن بەیەکەوە ئیدارەی خۆجێیی کەرکوک پێکبهێنن و راکان جبوری لە پۆستی پارێزگاردا بمێنێتەوە.
پارتی لەهەڵبژاردنی ئەنجومەنی پارێزگاکاندا، دوو کورسی لەکەرکوک بردەوەو لەگەڵ یەکێتیدا بەیەکەوە خاوەن 7 کورسین بەڵام تاوەکو ئێستا دانوستان و لەیەکتر نزیکبونە لەنێوانیاندا روینەداوە.
