plus4
پێش 10 مانگ
لەساڵی ڕابردوودا نیوەی ئۆتۆمبێلەکانی عێراق غەرامە کراون
به‌پێی ئامارێكی به‌ڕێوه‌به‌رایه‌تیی هاتووچۆی گشتیی عێراق، زیاتر له حه‌وت ملیۆن ئۆتۆمبێل له عێراقدا هه‌ن کە لەساڵی ڕابردوودا زیاتر لەنیوه‌یان غه‌رامه كراون.
میقداد میری؛ وته‌بێژی وه‌زاره‌تی ناوخۆی عێراق ڕایگه‌یاند: له‌ساڵی 2023 دا زیاتر له سێ ملیۆن و 500 هه‌زار ئۆتۆمبیل غه‌رامه كراون، کە ده‌كاته نیوه‌ی ئه‌و ژماره‌یه.
وتیشی: ژماره‌ی سه‌رپێچییه‌كانی هاتووچۆ له‌ساڵی 2023، به‌راورد به‌ساڵی 2022 به‌ڕێژه‌ی زیاتر له 300% زیادی كردووه، ئه‌وه‌ش كاتێك له‌ساڵی 2022دا یه‌ك ملیۆن سه‌رپێچی هاتوچۆ تۆماركرابوو.
ئاشكراشیكرد: له‌ساڵی 2023 دا داهاتی ته‌واوكردنی مامه‌ڵهو پێبژاردنی سزاكان، 462 ملیار دینار بووه‌و شه‌ش هه‌زارو 900 ڕووداوی هاتووچۆ تۆماركراون.
