plus4
پێش 11 مانگ
ئامۆزایەکی مەسعود بارزانی پەیامێکی گرنگی بڵاوکردەوەو داوا دەکات دەنگ بەم لیستە بدەن
ئەدهەم بارزانی پەیامێکی گرنگی بڵاوکردەوەو داوا دەکات هاووڵاتیانی کوردی ناوچە جێناکۆکەکان دەنگ بەهاوپەیمانی کەرکوک هێزو ئیرادەمانە بدەن.
لەپەیامەکەیدا ئەدهەم بارزانی دەڵێت: ڕووم بەتایبەت لەئێوەی کوردانی ستەمدیدەی نەینەواو کەرکوکی دڵمان و خانەقینی سەربەرزو کوردپەروەرە کە ساڵانێکی زۆر خۆتان و باو باپیرانتان قوربانی دەستی ستەمی ڕژێمە سەرکوتکارەکانی عێراقن.
ئێستا هەلێکی زێڕین لەبەردەمتانە تابتوانن بەپڕکردنی سندوقەکان بەدەنگی کورد، جارێکیتر دەستی ستەم کورت بکرێت و کوردستانی بوونی ئەو ناوچانە بەدەنگی بەرزی ئێوەی خۆشەویست بسەلمێنن و سەرمان بەرزبکەن.
لێرەشەوە داوا لەهەموو ئەو کەسانە دەکەم کە پەیامەکەی بەندەیان پێدەگا، دەنگبدەن بە کاندیدەکانی هێژا کاک باڤڵ تاڵەبانی، چوونکە ئەو سەرکردەیەیە کە بتوانێت بەرگری لە مافەکانتان بکات.
