plus4
پێش ساڵێک
سەرچاوەیەکی تایبەت بە ئاژانسی هەواڵی plus4ی راگەیاند: فەریق روکن جەبار نەعیمە تائی لەپۆستی فەرماندەی ئۆپراسیۆنەکانی کەرکوک لادرا و لەشوێنەکەی لیوا روکن ساڵح حرز ناسڕ خەفاجی دەستنیشانکرا.
وتیشی، فەرماندەیی ئۆپراسیۆنە هاوبەشەکان و سەرۆکایەتی ئەرکانی سوپا بانگهێشتی لیوا روکن ساڵح خەفاجیان کردووەو ئەو ئەرکەیان پێی سپاردووە.
ئاژانسی هەواڵی plus4 وەک یەکەم دەزگای میدیایی هەواڵی ئاڵوگۆڕەکە بڵاودەکاتەوە.
لیوا روکن ساڵح حرز، پێشتر فەرماندەی فیرقەی پێنج بوە لەدیالە، دواتر کراوەتە فەرماندەی فیرقەی هەشت و سەرەتای ئەم مانگەیش وا بڵاوکرایەوە کە کراوەتە فەرماندەی فیرقەی نۆی زریپۆش.
خەفاجی لەنێو سوپای عێراقدا بەئەفسەرێکی تووند لەئەرکی سەربازیدا ناسراوە.
بەپێی زانیارییەکان، فەریق روکن جەبار تائی کراوەتە بەڕێوەبەری جموجۆڵە سەربازییەکان لەفەرمانگەی ئۆپراسیۆنەکان
