plus4
پێش ساڵێک
کەمێک پێش ئێستا پۆلیسی کەرکوک کەسێکی دەستگیرکرد، دانی بەوەدانا کە هەردوو هاوڵاتییەکەی دوێنێ شارەکەی کوشتووە.
سەرچاوەیەک لەپۆلیسی کەرکوک بە ئاژانسی هەواڵی plus4ی راگەیاند: لەسەر راسپاردەی فەرماندەی پۆلیسی کەرکوک و بەسەرپەرشتی بەڕێوەبەری نەهێشتنی تاوانی کەرکوک، تیمێک لەنوسینگەی ئازادی نەهێشتنی تاوانی ئازادی پێکهێنرا بۆ دۆزینەوەی بکوژی ئەو هاوڵاتییەی دوێنێ لەبازاڕی گەورە لەلایەن کەسێکی نەناسراوە بەچەقۆ کوژرا.
وتیشی، دوای بەدواداچون و کارکردنی ورد توانرا شوێنی تۆمەتبارەکە بدۆزرێتەوە کە زۆر زیرەکانە هەوڵی خۆشاردنەوەی دابوو بەڵام دەستگیرکرا.
ئەو سەرچاوەیەی پۆلیسی ئەوەشی خستەڕوو، تۆمەتبارەکە ناوی ( هـــ.خ ) دوای دەستگیرکردنی دانی بەوەدانا کە ئەو ( وریا عاسی باخەوان )ی لەبازاڕ خان کبیر و ( کاوە محەمەد )ی لەگەڕەکی تەپە کوشتوو.
ئێوارەی دوێنێ شەممە 21ی تشرینی یەکەمی 2023 دوو روداوی کوشتن رویاندا، یەکێکیان لەبازاڕی خان کبیرو ئەوەی دیکەش لەگەڕەکی تەپە کە بەیەک شێواز کوژرابوون.
