PLUS4
پێش ساڵێک
ئەمڕۆ لیژنەی كەمبونەوەی ئاو لەوەزارەتی سەرچاوە ئاوییەكانی عێراق سەردانی كەركوكی كردو دوای كۆبونەوە لەگەڵ بەڕێوەبەری سەرچاوە ئاوییەكان و كشتووكاڵی پارێزگەكە، بڕیاریدا بەدرێژكردنەوەی وادەی روخاندنی حەوزەكان.
بەپێی زانیارییەكانی ئاژانسی هەواڵی plus4، لەكۆبونەوەكەدا بڕیاردرا روخاندنی حەوزە ماسییەكان كە لەسەر زەویی بەرئاون تاوەكو 1ی كانونی یەكەم درێژبكرێتەوە، روخاندنی حەوزە دەیمەكانیش تاوەكو 31ی كانونی یەكەم دواخرا.
بڕیاربوو ئەمڕۆ شەممە 14ی تشرینی یەكەم حەوزە ماسییەكانی داقوق بڕوخێندرێن بەڵام بەهەوڵی پەرلەمانتار دیلان غەفور پرۆسەكە دواخرا و لیژنەیەك لەوەزارەتی سەرچاوە ئاوییەكانی رەوانەی كەركوك كرا.
ئێوارەی ئەمڕۆیش هەموو ئالیاتەكان كە بۆ روخاندنی حەوزەكان نێردرابونە قەزاكە بەرەو كەركوك كشانەوە.
