plus4
پێش ساڵێک
تەلار لەتیف وتەبێژی کۆنگرەی 5ی یەکێتی نشتیمانی کوردستان رایگەیاند: سبەی کاتژمێر 11ی پێش نیوەڕۆ دەستپێکی کۆنگرە بەئامادەبونی نوێنەری حزب و لایەنەکان، باڵیۆزو نوێنەری وەڵاتان دەستپێدەکات.
وتیشی، کاتژمێر 2 ی پاشنیوەڕۆ دانیشتنەکانی کۆنگرە دەستپێدەکات و هەموو ئامادەبوان دەبنە ئەندامی کۆنگرەو پۆستی سەرکردایەتییەکان نامێنێت، پاشان لیژنەکان دەست بەکاردەبن و قۆناغ بەقۆناغ پڕۆگرامەکان دەخرێنەڕوو و دەنگیان لەسەر دەدرێت.
وتەبێژی یەکێتی ئەوەشی خستەڕوو، لەکۆنگرەدا پەیڕەوی ناوخۆ هەمواردەکرێتەوەو دواتر پەسەند دەکرێت، بەپێی رەشنوسەکەش گۆڕانکارییەکی تەواو لەپێکهاتەو بەرنامەی یەکێتی رودەدات، سێ ئەنجومەنیش پێشنیاز کراون کە دەنگی ئەندامانی کۆنگرە یەکلایی دەکاتەوە بریتین لەئەنجومەنی بەرژەوەندییەکان، ئەنجومەنی سەرکردایەتی و ئەنجومەنی پشتیوانی.
