PLUS4
پێش ساڵێک
مەفرەزەكانی بەڕێوەبەرایەتی گشتی زانیاری حەشدی شەعبی لەبەغدا توانیویانە باندێك ئاشكرابكەن كە دەیان كرێكاری بیانیان لەهەولێرەوە بۆ بەغدا گواستووەتەوە.
بەپێی راگەیاندراوی حەشدی شەعبی، لەسەر زانیاری وردی هەواڵگری توانراوە دەست بەسەر بارهەڵگرێكدا بگیرێت كە چیمەنتۆی باركردووە و 77 كرێكار خۆیان تێیدا شاردبوەوە بەمەبەستی گواستنەوەیان بۆ بەغدا بەشێوەی قاچاغ و نا یاسایی.
بەپێی راگەیاندراوەكە، لەو ژمارەیە 74 كرێكاریان بیانی بونە و هاوڵاتی پاكستانی و بنگلادیشین.
سێ كەسەكەی دیكەش هاوڵاتی عێراقین و ئەو باندەن كە سەرپەرشتی بەقاچاغ گواستنەوەكەیان كردووە و لەنێو ئۆتۆمبێلێكی جۆری توێتا هایلۆكس خراونەتە بۆسەوەو دەستگیركراون.
