PLUS4
پێش ساڵێک
شاخەوان عەبدوڵا جێگری سەرۆکی پەرلەمانی عێراق هەواڵەکەی ئاژانسی plus4ی لەبارەی کشانەوەو کەمکردنەوەی هێزە سەربازییەکان لەکەرکوک پشتراستکردەوەو رایگەیاند: دۆخی کەرکوک هەنگاوی بەرەو ئاساییبونەوە ناوە و لە قۆناخی یەکەمدا، توانرا هەموو هەمەڕ و ئۆتۆمبێلە سەربازییەکان لەنێو گەڕەکە کوردییەکانی کەرکوک بکشێنرێتەوە و هاتووچۆ لەو شارە ئاسایی بێتەوە.
وتیشی، لیژنەی ئاسایش و بەرگریی پەرلەمانی عێراق راپۆرتێکی ورد لەسەر روداوەکانی کەرکوک ئامادە دەکات و ئاراستەی سەرۆکایەتیی پەرلەمانی دەکات، لەو روانگەیەوە رێکاری یاسایی دەگیرێتەبەر.
شاخەوان عەبدوڵا ئاشکرای کرد، دوو هێزی ئەمنییەیان دەستنیشانکراوە کە تەقەیان کردووە و دەستیان لە شەهیدکردنی ئەو چوار گەنجە کوردەی 2ی ئەیلولدا هەیە.
