PLUS4
پێش ساڵێک
دوای زیاتر لە 6 كاتژمێر شەڕو روبەڕوبونەوە لەنێوان هێزە سەربازییەكانی عێراق و چەكدارانی داعش لەباشوری كەركوك، شەڕەكە بەكوشتنی تەواوی مەفرەزەكە كۆتایی هات.
جەودەت عەساف وتەبێژی حەشدی شەعبی لەكەركوك رایگەیاند: شەڕەكە لەسنوری گوندی تركەڵان رویدا و هەر چوار چەکدارەكەی داعش کوژران.
بەپێی زانیارییەكانی پڵەس4 لەروبەڕوبونەوەكاندا سەربازێكی فیرقەی 8ی سوپای عێراق كوژرا و دووانی دیكە برینداربون كە لەنێواندا ئەفسەرێك بەپلەی نەقیب هەیە.
لەشەڕەكەدا فرۆكەو هەلیكۆپتەری جەنگی هێزی ئاسمانی عێراق بۆ پاڵپشتی هێزەكانی زەمینی بەشداربون و چەند جارێكیش بۆردمانیان كردووە.
