plus4
پێش ساڵێک
لیوا روکن موعد بدای دوراجی فەرماندەی فیرقەی 11ی سوپای عێراق، ئەو فەرماندەیەیە کە دەیەوێت خاوەندارێتی 13 هەزار دۆنم زەوی جوتیارانی کوردو تورکمانی تۆپزاوا لەسەر وەزارەتی بەرگری عێراق نوێبکاتەوە و بکرێتە شوێنی نیشتەجێبوونی ئەفسەرانی سوپا.
لەهەشتاکان، رژێمی بەعس دوای راگواستنی جوتیارانی تۆپزاوا، دەستی بەسەر زەوییەکانیاندا گرت و خستێ سەر وەزارەتی بەرگری.
لەئێستاشدا جارێکیتر بەناوی دوورخستنەوەی خەڵکانی زیادەڕۆ لەسەر زەوییەکانیان، فیرقەی 11 دەیەوێت جارێکیتر دەستی بەسەردا بگرێتەوە.
وەزیری بەرگری عێراق لەبروسکەیەکدا، ستایشی فەرماندەی فیرقەی 11دەکات کە توانیوێتی کار لەسەر گەڕاندنەوەی ئەو زەویانە بکات و داوایش لەفەرماندەی فیرقەکانی تر دەکات هاوشێوەی ئەو کار بکەن.
