plus4
پێش ساڵێک
شەش کەس لەهەردوو بنەماڵەکەی قەرەهەنجیر خۆیان رادەست هێزە ئەمنییەکانی ناحیەکە کرد.
بەپێی زانیارییەکانی plus4، سێ کەس لەهەر لایەنێکی شەڕەکە خۆیان رادەستکردووە کە بەشداربونە لەروبەڕوبونەوەکەی نیوەڕۆی ئەمڕۆ هەینی کە بەهۆیەوە کەسێک برینداربوە.
ئێوارەی دوێنێ پێنجشەممە، لەگۆرستانی گوندی ساتی لەکاتی بەخاکسپاردنی کەسایەتییەکی ناوچەکە گرژی لەنێوان چەند گەنجێکی هەردوو بنەماڵەکە رویداوە کە پێشتر کێشەیەک لەنێوانیان هەبوە، نیوەڕۆی ئەمڕۆیش لەدوای نوێژی هەینی لەمزگەوتێکی ناحیەکە شەڕەکە هەڵگیرساوەتەوەو پەرەی سەندووە بۆ شەڕە تەقەو روبەڕوبونەوە.
لەئێستادا هێزە ئەمنییەکان لەپۆلیس و ئاسایش کۆنتڕۆڵی دۆخەکەیان کردووەو دوای دەستگیرکردنی تەقەکەرەکان لەهەوڵی چارەسەرکردنی کێشەکەن.
