PLUS4
پێش ساڵێک
ئاسۆ مامەند، لە رۆژی پۆشینی جلوبەرگی نەتەوەییدا پەیامێکی بڵاوکردەوە ئەمە دەقەکەیەتی:
بە بۆنەی رۆژی پۆشینی جلوبەرگی نەتەوەیی کوردییەوە، جوانترین پیرۆزبایی لە تەواوی کوردستانییان بە گشتی، و کوردانی کەرکوک و ناوچە جێناکۆکەکان بە تایبەت دەکەین، ئومێدەوارین ئەم بۆنە نەتەوەییە ببێتە مایەی خێر و سەرفرازی بۆ میللەتەکەمان.
ئەڵبەتە هەموو نەتەوەیەک مافی ئەوەی هەیە شانازی بە کولتور و شوناس و کەلەپوری خۆیەوە بکات، ئێمەیش وەکو سەرجەم نەتەوەکانی دونیا، مافی خۆمانە کە شانازی بە بۆنەو یادە نەتەوەیی و نیشتمانییەکانی خۆمانەوە بکەین و بە زیندووێتی بیانهێڵینەوە.
کوردیش کە نەتەوەیەکی دێرین و زیندووی ناوچەکەیە و بەشێکی گرینگ و کاریگەریشە لە دەوڵەتی عیراقی فیدڕاڵ، بە پێی دەستوور و یاسا مافی خۆیەتی مومارەسەی بۆنە و یادە نەتەوەیی و نیشتمانییەکانی خۆی بکات.
دووبارە رۆژی پۆشینی جلوبەرگی نەتەوەیی لە تەواوی کوردستانییان پیرۆز بێت
ئاسۆ مامەند
کارگێڕی مەکتەبی سیاسی یەکێتیی نیشتمانیی کوردستان
