plus4
پێش ساڵێک
تادێت رێژەی خڵەفان لەزیادبوندایە، بەپێی راپۆرتێكی cnbcی ئەمریكی تەنها ساڵی 2020 رێژەی خڵەفان گەیشتووەتە 54ملیۆن كەس لەجیهاندا.
بۆ روبەڕوبونەوەی خڵەفان و نەخۆشییەكانی لەبیرچونەوە، پێویستە هەموو كەسێك یەكەی مێشكی بپارێزێت كە بۆ ئەو مەبەستە حەوت رێگا دیاریكراون:
1/ پێویستە نەهێڵێت فشاری خوێن بەرزبێتەوە كە دواجار دڵ لاواز دەكات و یەكێكە لەهۆكارەكانی جەڵتەی مێشك.
هەروەك پێویستە هەموو چوار ساڵ جارێك پشكنینی چەوری خوێن كۆلیسترۆل بكەیت تاوەكو رێگا نەدەی زۆربێت.
2/ شەكری خوێن بە سوتەمەنی سەرەكی مێشك دادەنرێت، كەمبونەوەی رێژەكەی لەلەشدا دەبێتە هۆی لاوازی ووزە، بەرزبونەوەشی هۆكارێكە بۆ پیربونی پێشوەختە و نەخۆشییەكانی دڵ و خوێن.
3/ خەوی باش.
رێكخستنی كاتەكانی خەوتن، گوێگرتن لە میوزگی هێمن پێش خەوتن و خۆ دانە بەر خۆر.
4/ رێكخستنی خواردنی تەندروست.
بۆ روبەڕوبونەوەی خڵەفان، پێویستە ئەم خواردنانە بەزۆری بخورێت: ماسی چەور وەك سەلەمون، ئەفەكادۆ، چەرەزات، سەوزەو جەرجیرو بروكلی.
5/ وازهێنان لەجگەرە كێشان كە بەهۆی بونی 7 هەزار ماددەی كیمیاویی تێیدا، حاڵەتەكانی لەبیرچونەوەو شێرپەنجە زیاد دەكات.
6/ پەیوەندییە كۆمەڵایەتییەكان.
پێویستە ئەو كەسانەی تەمەنیان سەروی 55 ساڵە بەشداری لە كۆڕو كۆبونەوە كۆمەڵایەتییەكان بكەن، خێرو سەدەقە بكەن.
7/ خوێندن و گەڕان بەدوای زانیاری و خۆسەرقاڵكردن بەو بابەتانەی چارەسەریان دەوێت، هۆكارێكە بۆ بەهێزكردنی مێشك.
