Plus4
berî 58 deqîqe
یەکێتیی نیشتمانیی کوردستان لەبارەی روداوەکەی ناحیەی پردێی سەر بە شاری کەرکوک راگەیەنراوێکی بڵاوکردەوە و تێیدا هاتووە: نابێت تیرۆر و خەڵکی سڤیل تێکەڵ بکرێن.
دەقی راگەیەنراوەکە:
ئێمە لە یەکێتیی نیشتمانیی کوردستان بەوردیی و نیگەرانییەکی قوڵەوە چاودێریی ئەو رووداوە نەخوازراوەی شاری کەرکوکی خۆشەویست دەکەین، کە بەداخەوە دوێنێ دوو گەنجی کورد لەپردێ تێیدا شەهید بوون.
لای یەکێتیی نیشتمانیی کوردستان، کەرکوک شاری پێکەوە ژیانی ئاشتییانەی پێکهاتەکانە و لە رابردووشدا، لەڕووبەڕووبوونەوەی تیرۆر رۆڵی پێشەنگ و کاریگەریی هەبووە، بە پشتیوانی هێزەکانی هاوپەیمانان و هاوئاهەنگی تەواوی هێزە عیراقییەکان، ئێستاش ئامادەیی تەواوەتیمان هەیە لە بەرگریکردن لە کەرکوک و تەواوی خاکی هەرێمی کوردستان و عیراق، بەڵام نابێت تیرۆر و خەڵکی سڤیل تێکەڵ بکرێن.
بۆیە، داوا لەبەڕێز عەلی زەیدی، سەرۆک وەزیرانی عیراق دەکەین، کە لیژنەی پێکهێندراو لە رووداوەکە رابسپێرێت، لێکۆڵینەوەی زۆر جددی لە رووداوەکە بکرێت و کەمتەرخەمان رووبەڕووی سزای یاسایی بکرێنەوە.
کاروان گەزنەیی
وتەبێژی یەکێتیی نیشتمانیی کوردستان
