Plus4
berî 29 deqîqe
بافڵ جەلال تاڵەبانی و راوێژکاری باڵای رێبەری ئێران کۆبونەوە
بافڵ جەلال تاڵەبانی، سەرۆکی یەکێتیی نیشتمانیی کوردستان لە تاران لەگەڵ د. عەلی ئەکبەر ویلایەتی، راوێژکاری باڵای رێبەری کۆماری ئیسلامیی ئێران بۆ کاروباری نێودەوڵەتی کۆبووەوە.
لە کۆبوونەوەکەدا کە وەفدێکی باڵای یەکێتی ئامادەبوون، بیروڕا لەبارەی دۆخی سیاسی و ئەمنیی ناوچەکە و رێگەکانی پاراستنی سەقامگیری ئاڵوگۆڕ کرا. هەروەها جەخت لە پاراستنی بەرژەوەندییە هاوبەشەکان و پتەوکردنی دراوسێیەتیی باش کرایەوە.
بافڵ جەلال تاڵەبانی سیاسەتی یەکێتی لەم قۆناغەدا روونکردەوە و رایگەیاند، هەرێمی کوردستان و عیراق نابنە بەشێک لە ململانێکان، بەڵکو هەنگاوەکانیان بە ئاڕاستەی هێورکردنەوەی دۆخەکە و دەستەبەرکردنی سەقامگیریی بەردەوام دەبێت.
لای خۆیەوە، د. عەلی ئەکبەر ویلایەتی بە رێزەوە یادی سەرۆک مام جەلالی کردەوە، وەک ئەندازیاری پەیوەندییە مێژوویی و دۆستانەکانی نێوان کۆماری ئیسلامیی ئێران، هەرێمی کوردستان و یەکێتی. هاوکات پێزانینی خۆی دەربڕی بۆ بافڵ جەلال تاڵەبانی وەک درێژەپێدەری ئەو رێبازە حەکیمانەیە و رۆڵی لە نزیککردنەوەی دیدگاکان و پاراستنی ئارامیی هەرێمی کوردستان، عیراق و ناوچەکەدا بەرز نرخاند.
