plus4
berî 1 saet
دەستەی حەج و عومرەی عێراق مەرج و رێنماییەکانی تایبەت بە پێشکەشکردن بۆ حەج بڵاوکردەوە
دەستەی حەج و عومرەی عێراق مەرج و ڕێنمایییەکانی پێشکەشکردن بۆ تیروپشکی حەج لە عێراق بۆ ساڵەکانی (2027، 2028، 2029، 2030) بڵاوکردەوە کە بەم شێوەیە:-
تەمەن: لە پێشینە بۆ بەساڵاچووانە لە تەمەنی 45 ساڵ و بەرەو سەرەوە.
شوێنی پێشکەشکردن: دەبێت بەپێی شوێنی نیشتەجێبوونی پارێزگاکە بێت وەک ئەوەی لە کارتی نیشتەجێبووندا چەسپێنراوە.
بەڵگەنامە داواکراوەکان: پشت بەستن بە ژمارەی نیشتمانی (الرقم الوطني) کە لە کارتی نیشتمانیدا هەیە.
ژمارەی جارەکانی پێشکەشکردن: هاوڵاتی بۆی نییە زیاتر لە یەک جار پێشکەش بکات، دەبێت لە کاتی پڕکردنەوەی فۆڕمەکەدا زۆر ورد بێت.
وازهێنان: براوەی تیروپشکەکە لە ژێر هیچ بارودۆخێکدا بۆی نییە واز لە کورسییەکەی بهێنێت بۆ کەسێکی تر.
مەرجی حەجی پێشوو: پێشکەشکردن تەنها بۆ ئەو کەسانەیە کە پێشتر نەچووبێتن بۆ حەج، یان پێشتر دەرچوون و کورسییەکەیان بەخشیوە بە کەسێکی تر).
پشکی پارێزگاکان: پشکەکان لەسەر بنەمای سەرژمێری گشتی دانیشتووان کە لەلایەن وەزارەتی پلان دانانەوە پەسەند کراوە، دابەش دەکرێن.
