ئاژانسی هەواڵی plus4
berî 1 saet
مەرج و داواكارییەكان پەیمانگەی دادوەری بۆ خوێندن لە خولی 54ی دادوەران و 55ی داواكاری گشتی بۆ ئەمساڵ بڵاوكرایەوە.
- مەرج و پێداویستییەكانی پێشكەشكردن بۆ خوێندن لە پەیمانگای دادوەری:
١- پێویستە پێشكەشكار دەرچووی یەكێك لە كۆلێژەكانی یاسا بێت لە عێراق، یان كۆلێژێكی یاسای ناسراو بێت، بە مەرجی سەركەوتن لەو تاقیكردنەوەیەی كە تایبەتە بە یاساكانی عێراق و لەلایەن ئەنجومەنی پەیمانگاوە ماددەكان و شێوازی ئەنجامدانی دیاری دەكرێت.
٢- پێویستە پێشكەشكار بۆ ماوەیەك كە لە سێ ساڵ كەمتر نەبێت بە شێوەیەكی كرداری كاری پارێزەرایەتی كردبێت، و لە پێشكەشكردنی بەرگرییەكانیاندا (مرافعات) لادانی نەكردبێت لەسەر حسابی حەق، دادپەروەری و یاسا. یان پێویستە بۆ هەمان ماوەی ئاماژەپێكراو لە سەرەوە (كەمتر نەبێت لە سێ ساڵ) لە فەرمانگەكانی دەوڵەت یان كەرتی گشتیدا لە وەزیفەیەكی دادوەری یان یاساییدا كاری كردبێت.
٣- تەمەنی لە چل ساڵ زیاتر نەبێت و لە بیست و هەشت ساڵ كەمتر نەبێت.
٤- خاوەن ڕەوشت و ڕابردوو و ناوبانگێكی باش بێت.
٥- شیاوی و توانای جەستەیی و تەندروستی تێدا بێت.
٦- پێشتر لە پەیمانگا دەرنەكرابێت (فصل نەكرابێت).
٧- عێراقی بێت بە لەدایكبوون و لە دایك و باوكێكی عێراقی بێت بە لەدایكبوون، و بەهرەمەند بێت لە تەواوی شیاوی یاسایی مەدەنی (الاهلیە المدنیە الكاملە).
٨- حوكم نەدرابێت بە تاوانێكی گەورەی نادادپەروەرانە (جنایە غیر سیاسیە) یان كەتنێكی پێشێلكاری شەرەف (جنحە مخلە بالشرف).
٩- باوەڕی بە خودا هەبێت، و خۆی یان یەكێك لە منداڵەكانی یان یەكێك لە دایك و باوكی حوكم نەدرابێتن بە تاوانێكی پێشێلكاری شەرەف.
١٠- هاوسەرگیری كردبێت و لە ژیانی هاوسەریدا بەردەوام بێت، و پێویستە بەڵگەی سەلمێنەر بۆ ئەمە پێشكەش بكات.
١١- پێشكەشكار مافی هەیە تەنها بۆ یەكێك لە خولەكانی (٥٤) یان (٥٥) پێشكەش بە پەیمانگای دادوەری بكات.
١٢- سەردانیكردنی پەیمانگای دادوەری بەمەبەستی تەواوكردنی ڕێكارەكانی پێشكەشكردن بۆ خولەكانی ئاماژەپێكراو، لە كاتژمێر (٧:٣٠)ی بەیانی تاوەكو كاتژمێر (١٢:٠٠)ی نیوەڕۆ دەبێت (تەنها)، بۆیە پێویستە ئاماژە بەوە بكرێت كە پابەندبوون بە كاتی دیاریكراوی سەردانیكردنی پەیمانگاكە پێویستە.
- بەڵگەنامە داواكراوەكان بۆ پێشكەشكردن بەمەبەستی خوێندن لە پەیمانگای دادوەری:
١- بڕوانامەی دەرچوونی بێ نمرە بۆ ساڵی ئێستای ٢٠٢٦ (بەڕوونی بە ڕێكەوتی پێشكەشكردن بێت).
٢- كارتی نیشتمانیی بۆ پێشكەشكار، دایك و باوكی، و هاوسەرەكەی (ئەسڵ و كۆپی) (٢ كۆپی).
٣- وێنەی كەسیی ڕەنگاوڕەنگ بە باكگراوندی سپی، ژمارە (١٠) دانە.
٤- گرێبەستی هاوسەرگیری پەسەندكراو بۆ ساڵی ٢٠٢٦ (٢ كۆپی).
٥- كارتی نیشتەجێبوون (ئەسڵ و كۆپی) (٢ كۆپی).
٦- بڕیارەكانی حوكمی پەسەندكراو ئەگەر پێشكەشكارەكە پارێزەر بێت (نابێت لە ١٢ بڕیار كەمتر بێت).
٧- ناسنامەی فەرمانگە یان سەندیكای پارێزەران (ئەسڵ و كۆپی) (٢ كۆپی).
٨- پشتگیری بەردەوامبوون لە خزمەت بۆ (مێرد/ژن)ی ئەو پێشكەشكارەی كە دەخوێنێت لە پەیمانگای دادوەری.
٩- بەڵێننامەی نووسراو لەلایەن پێشكەشكارەوە سەبارەت بە ژمارەی جارەكانی پێشكەشكردنی بۆ پەیمانگای دادوەری.
تێبینی: كۆپییەكی ڕوون (فسفۆری) لە بەڵگەنامە داواكراوەكانی سەرەوە، بەپێی ئەو نموونەیەی كە هاوپێچ كراوە.
تێبینی: ڕسووماتی پێشكەشكردن بۆ پەیمانگای دادوەری بەو شێوەیەی خوارەوە وەردەگیرێت، و پێدانی رسوماتی تۆماركردن بە شێوازی ئەلیكترۆنی دەبێت لە ڕێگەی كارتەكانی پارەدانەوە:
١- بڕی (٢٥٠,٠٠٠) دوو سەد و پەنجا هەزار دینار بۆ پێشكەشكردن بۆ جاری یەكەم.
٢- بڕی (٣٠٠,٠٠٠) سێ سەد هەزار دینار بۆ پێشكەشكردن بۆ جاری دووەم.
٣- بڕی (٤٠٠,٠٠٠) چوار سەد هەزار دینار بۆ پێشكەشكردن بۆ جاری سێیەم و زیاتر.
